Auai i le Aoga, Lē Auai, Tia’i Aoga

Auai i le Aoga, Lē Auai, Tia’i Aoga

O le tulafaono a le setete o Uosigitone e ta’u o le “Becca Bill,” e faamalosia ai tamaiti umai le va o le 8 ma le 18 ia auai i aoga e pei ona masani ai. E faamalosia e le tulafono matua ma tausi fanau faaletulafono e faamaonia ai o loo aoga i aseo uma a latou tamaiti.E aofia uma ai aoga lautele, aoga tuma’oti poo aoga i le aiga. E faamalosia e le tulafono le iai o tamaiti i aoga, aso atoa, aso uma, vagana ua iai se faanoi tatau.Afai e misi se aoga e aunoa ma se faanoi tatau, e ono ta’u le tamaitiiti o le “tia’i aoga.” Afai e tia’i aoga se tamaitiiti, e faamalosia le aoga e:

• Faailoa i le aiga;
• Faafeiloa’i ma galulue ma le aiga ma le tamaitiiti e fika pe aisea, ma
• Taumafai ni fofo eseese e tau faalelei ai le auai o le tamaitiiti.

Afai e le aogā lea faiga, e ono ave le tamaitiiti ma le aiga i se Fono Faatonu Tia’i Aoga i le Komiuniti poo le faamasinoga.  Afai etele tia’i aoga a le tamaitiiti, tusa pe iai ni faanoi tatau, ua faamalosia nei e le tulafono aoga ia feiloa’i ma galulue ma aiga e fika pe aisea, ma fai se fuafuaga ia mafai ona auai le tamaitiiti i le aoga e pei ona tatau ai.  E mafua lea ona o le tia’i soo o le a’o poo le “tia’i aoga tumau” e faigata ai i le tamitiiti aoga ona alu i luma.  E mafai foi ona faailoa mai ai, e le o maua e le tamaitiiti le lagolago e mana’omia.  A tatou talanoa e uiga i le tia’i aoga, o le “tele” e foliga mai o le “laitiiti” – o le lē auai tusa pe na’o le 2 aso i le masina e mafai ona oo ai i se aafiaga tele! 

Afai e faigata ona momoli lau tamaitiiti i le aoga i aso uma, e mafai ona fesoasoani atu le aoga e talepe ni papuipui ae fesoasoani i lau tamaitiiti ia fausia se amio fou o le auai i aso uma, i le aso atoa, ma ia tausi le taimi.   Taga’i i Fesili Maua Soo a le OEO's FAQs e iloa ai le mea e tupu pe a lē aoga pea le tamaitiiti, ma ni manatu i le toe foi i se lelei o le auai masani i le aoga.  Afai e te mana’omia nisi fesoasoani i le fofoina o faafitauli o le auai i le aoga, faamolemole valaau mai!  Asiasi le  website i le  www.oeo.wa.gov/sm/, pe valaau 1-866-297-2597.

O le a se mea o faamalosia e le tulafono mo Aoga?

• faailoa i matua tulafono o le auai ma aumai le saini a matua e iloa ai ua maua le faaaliga,
• faailoa i matua taimi uma e lē aoga ai le tamaitiiti,
• feiloa’i ma matua ma tamaiti e saili pe aisea,
• taumafai ni fofo eseese e maua ai se lelei o le auai, ma i nisi mataupu,
• ave le tamaitiiti ma/poo matua i le Fono Faatonu a Komiuniti o le Tia’i Aoga poo le faamasinoga.

• i le aoga,
• tausi le taimi,
• aso uma, vagana ua iai se faanoi tatau.