Sidee ayaan FBA ugu codsanayaa Cunugayga?
Farsamada ugu fiican waa inaad codsiga FBA ku gudbisaa qoraal ahaan. Waxaad qoraalkaas ku diri kartaa iimeelka, ama waraaq. La har nuqul kamid ah codsiga. Fiiri Sambalka Codsiga FBA.
Waxaad sidoo kale codsiga FBA ku gudbin kartaa adoo toos uga sheegaaya kulanka, ama wada hadalka aad la yeelato macalinka ama maamulaha cunugaaga. Waa muhiim inaad dabagal samayso haddii aadan helin jawaab ku aadan talaabooyinka xiga, waayo mararka qaar codsiyada afka laga sheego ayaa la iska ilaawaa inta lagu jiro hawl maalmeedka mashquulka badan ee dugsiga.
Haddii aad codsiga FBA ka sheegto kulan ku saabsan IEP, xaqiiji inaad hubiso in codsiga iyo jawaabta kooxdu ka bixisay lagu cadeeyo Ogeysiiska Hore ee Qoran (PWN) kadib kulanka. Ogeysiisyada Hore ee Qoran ayaa kaa caawinaaya adiga iyo dadka kale ee kamid ah kooxda IEP-da cunugaaga inay la socdaan codsiyada iyo go'aannada muhiimka ah.