Lesitalaina o Ao'ga

O tamaiti uma o loo nonofo i le Setete o Uosigitone e iai o latou aiā tatau e a'ooga ai i a'oga lautele.

O tamaiti laiti e mafai ona amata i a'oga fa'ata'ita'i mai le 5 tausaga ma fa'aauau i a'oga se'ia fa'auu pe ua 21 tausaga.

E amata i le lesitala (poo le fa'amauina o le igoa). O fesili matou te mauaina mai i lesitala o a'oga e aofia ai:

  • O a fa'amatalaga poo pepa e mana'omia mo le lesitala?
  • O ai e mafai ona lesitalaina se tamaititi a'oga?
  • O fea e mafai ona lesitala ai se tamaititi a'oga, poo fea a'oga e mafai ona filifilia e se aiga?   

Kiliki i fesili o loo i lalo.

O a fa'amatalaga po'o pepa e tele ina mana'omia mo le lesitala?

Mo le lesitalaina o se tamaititi i le a'oga, e tele ina tapaina e le a'oga pepa e:

  • Fa'amaonia ai lou tuatusi;
  • Fa'amaonia ai le matua o lou alo (aemaise lava lesitala mo tamaiti a'oga fa'ata'ita'i); ma
  • Fa'aalia ai ua uma tui puipui mana'omia o lou alo.

E masani ona lisiina e a'oga fa'ata'ita'iga o ituaiga o pepa e mafai ona fa'aaoga mo lesitala. Afai e le'o iai ia te oe ni pepa 'autū e tele ina mana'omia e a'oga (pei o se kopi o se pili, po'o se pepa fanau o lou alo), talanoa i le ofisa o lesitala a le a'oga i lou fa'afitauli.

Isi Pepa Fa'amaonia e Sui ai Pepa Fanau/Tusifolau: E tatau i a'oga ona talia nisi pepa e fa'aalia ai tausaga o lou alo po'o le aso fanau. E le mafai e le a'oga ona tausisi i le tuuina atu o le pepa fanau po'o le tusifolau pe afai e le'o ia te oe. O isi pepa e mafai ona fa'aaoga e iai se pepa o le vaetamaina, o se pepa fa'ale-tulafono mai se foma'i, po'o se fa'amaumauga o tui puipui o loo iai se aso fanau i luga.

Fa'amaoniga o Nofoaga o Nonofo ai: E tele ina fesiligia e a'oga ni pepa fa'amaonia o le nofoaga o e nofo ai ina ia mautinoa ai o lou alo o se tagata nofomau o le itumalō. Peita'i, afai e le'o iai se nofoaga tumau o e nofo ai (pe afai e leai sou aiga), e le mafai e le a'oga ona talosagaina ni pepa mana'omia ae le'i lesitalaina lou alo. Afai e talafeagai lenei mea mo oe po'o se tamaititi o loo e tausia, fesili i le a'oga po'o le ofisa o le itumalō e talanoa i le "McKinney Vento Liaison (Tagata Fesoota'i o Tulafono Ta'iala mo Fesoasoani i Tamaiti A'oga e leai ni Aiga)" a a'oga fa'a-itumalō.

Manatua, o tamaiti uma o loo nonofo i le Setete o Uosigitone e mafai ona a'ooga i a'oga lautele. Afai o e taumafai e lesitala lou alo i le a'oga, ae e le'o ia oe ni pepa e masani ona mana'omia e le a'oga, fa'amolemole fesili mo se fesoasoani.

E mafai ona fesili mo se fesoasoani i le a'oga po'o le ofisa o a'oga fa'a-itumalō. E mafai foi ona fesoota'i mai i le matou ofisa i le 1-866-297-2597 po'o le asiasi i le matou itulau o le Get Our Help (Talosagaina la Matou Fesoasoani) e fesoota'i mai ai i la matou 'upega tafa'ilagi o le: https://services.oeo.wa.gov/oeo

 

O ai e mafai ona lesitalaina se tamaititi a'oga?

I le Setete o Uosigitone, o tagata e mafai ona lesitalaina se tamaititi i le a'oga e aofia ai:

Mātua Moni po'o Mātua Fa'ale-tulafono

O se tagata o loo fai ma Matua i le to'esea ai o se matua po'o se matua fa'ale-tulafono. E mafai ona aofia ai i lenei mea:

    • Se tagata o le aiga o loo faia le "Tausiga moni Fa'ale-aiga",
    • Mātua Fai, po'o
    • Se Tausi-soifua o loo faia le matafaioi a mātua.

O Tamaiti Talavou o loo Nonofo na'o Latou. O se tamaititi la'ititi e le'o nofo ma se matua, ma e leai sona nofoaga mautū, nofoaga masani po'o se mea e nofo ai, e mafai ona maua le fesoasoani e lesitala ai lava i latou o ni "Tamaiti Talavou ua Leai ni Aiga." Fesili i le McKinney Vento Liaison pe afai ua na'o oe, po'o lou fesoasoani ai i tamaiti laiti ua leai ni aiga mo a latou lesitala i le a'oga.

E tusa ai ma le Family Educational Rights and Privacy Act (FERPA, Tulafono Ta'iala o Aiā Tatau a Aiga mo A'oga), o le tulafono a le malō i a'oga o loo fa'amauina ai, "mātua" "e iai mātua na fanau mai ai, o se matua fa'ale-tulafono, po'o se tagata o loo faia le matafaioi a mātua i le to'esea ai po'o le matafaioi a le matua fa'ale-tulafono." (E mafai ona e faitau i fa'amatalaga e tele e fa'atatau i le FERPA, i le 'upega tafa'ilagi a le U.S Department of Education (Ofisa o A'oga a le U.S) i le: https://www2.ed.gov/policy/gen/guid/fpco/ferpa/index.html.)

A tuuina se tamaititi i le nofoaga e tausia tamaiti, e ono toatele tagata e iai e fesoasoani i le faiga o filifiliga o a latou a'oga. O pepa fa'atumu o le Caregiver Authorization (Fa'atagana o Tausi-soifua) e masani ona fa'ailo ai le tagata e mafai ona faia filifiliga o a'oga, e aofia ai le lesitalaina o le tamaititi i le a'oga. Mo nisi fa'amatalaga siaki le Guide to Supporting Students in Foster Care (Ta'iala mo le Lagolagoina o Tamaiti A'oga i Nofoaga e Tausia Tamaiti), o loo maua i le Treehouse for Kids (www.treehouseforkids.org), mai le Office of Superintendent of Public Instruction (OSPI, Ofisa o le Pule Sili o Fa'atonuga Lautele) Foster Care Program (Polokalame mo Nofoaga e Tausia Tamaiti) (https://www.k12.wa.us/student-success/access-opportunity-education/foster-care), ma i lenei sootaga tuusa'o: https://www.treehouseforkids.org/wp-content/uploads/2018/01/treehouse2017final2ndedinteractive.pdf

O fea e mafai ona lesitala ai tamaiti i le a'oga?  

A'oga Fa'a-Itumalō a Nuu

O tamaiti a'oga uma e iai a latou aiā tatau i avanoa mo a'oga i itumalō o loo nonofo ai i le tele o taimi o ō latou olaga. O le "a'oga fa'a-itumalō a nuu" o tamaiti a'oga 

O se nofoaga e fa'amautū ai se tamaititi a'oga e ono le tutusa ma le nofoaga o ō latou mātua.

O ta'iala a le Setete o Uosigitone e fa'amatalaina ai se nofoaga o se tamaititi a'oga, o loo i totonu o le Washington Administrative Code (Tulafono o Pulega a Uosigitone), le "WAC" i le WAC 392-137-115, lea e te maua i le 'upega tafa'ilagi o le: https://apps.leg.wa.gov/WAC/default.aspx?cite=392-137-115. O loo fa'amatalaina ai o le nofoaga o se tamaititi a'oga o le nuu o loo nofo ai i le tele o taimi.

O Tōfiga o A'oga i Totonu o Itumalō

O le mea masani, e mafai e a'oga ta'itasi i itumalō ona filifili pe fa'afefea ona tōfia tamaiti i a'oga eseese i totonu o itumalō.

O le tele o a'oga a itumalō e tōfia tamaiti i se a'oga e latalata i le mea o nonofo ai, e masani ona ta'ua o se "vaega nofoia" po'o a'oga a nuu tua'oi. A fa'atumulia a'oga a nuu tua'oi, e ono tōfiaina e a'oga fa'a-itumalō tamaiti a'oga i nisi a'oga i totonu o le itumalō.

O le tele o a'oga tetele fa'a-itumalō e iai foi a latou "lesitala le fa'atapulaaina" i taimi fa'atulagaina pe a talosaga aiga mo a'oga latou te manana'o iai. E masani e latalata i le amataga o le kalena fa'ale-tausaga aga'i i le amataga o le tau e totogo ai laau. Sa'ili i fa'amatalaga mai i lou itumalō e fa'atatau i filifiliga eseese mo lesitala o a'oga.

O le taimi lava e uma ai ona tōfia se tamaititi i se a'oga fa'apitoa, o nisi itumalō e fa'ataga na'o se to'atasi e siitia i se isi a'oga pe afai e iai se fa'afaigata po'o se mafuaaga tali tutusa. O nisi e fa'atagaina le siitia o tamaiti pe afai e iai se avanoa. Fesili mo ni faiga fa'avae a lou itumalō ma auala e a'oa'o atili ai i filifiliga i totonu o lou itumalō.

Manatua, o tamaiti ta'ito'atasi e iai aiā tatau i avanoa mai i a'oga fa'a-itumalō i nofoaga o nonofo ai. Afai o e feagai ma ni fa'afitauli i lesitala, e mafai ona e fesoota'i mai i le matou ofisa i le 1-866-297-2597, e ala i le imeli o le oeoinfo@gov.wa.gov, po'o la matou 'upega tafa'ilagi o le: https://services.oeo.wa.gov/oeo

A'oga na Tupuga mai ai - Nofoaga e Tausia Tamaiti po'o le Tulaga ua Leai o ni Aiga

O tamaiti ua oo i le tulaga ua leai ni aiga, ma tamaiti o i nofoaga e tausia tamaiti, e mafai ona a'ooga i a'oga i nofoaga o nonofo ai, pe a mafai ona maua so latou fesoasoani e nonofo ai i "A'oga na Tupuga mai ai", tusa lava pe ō i se isi nofoaga ese. 

O le tulafono o loo tuuina mai ai puipuiga ma le lagolago i tamaiti a'oga ua i tulaga o le leai o ni aiga e ta'ua o le "McKinney Vento Act (Tulafono Ta’iala mo Fesoasoani i Tamaiti A’oga e leai ni Aiga)," ma a'oga ta'itasi a itumalō e iai McKinney Vento Liaison Act e fesoasoani i aiga ma tamaiti a'oga ua i tulaga ua leai ni mea e nonofo ai. E aofia ai tamaiti a'oga ma aiga o nonofo fa'atasi ma a latou uō po'o tagata o ō latou aiga ona ua leai ni mea e nonofo ai. Afai e iai se avanoa mo oe po'o lou alo e ono agavaa ai i fesoasoani a le McKinney Vento, e aofia ai le nofo i A'oga na Tupuga mai ai, fa'amolemole fesili ina ia talanoa i le "McKinney Vento Liaison" o lau a'oga fa'a-itumalō. E mafai foi ona e siakiina nisi fa'amatalaga e fa'atatau i le Lagolago mo Tamaiti A'oga ua i Tulaga o le Leai o ni Aiga i luga o la matou 'upega tafa'ilagi.

O le tulafono a le malō e ta'ua o le "ESSA," (o le Every Student Succeeds Act (Tulafono Ta'iala mo le Manuia o Tamaiti Ta'ito'atasi)), sa fa'aopoopoina talu ai nei ina ia tuuina atu ai i a'oga na tupuga mai ai, femalaga'iga ma puipuiga vave o lesitala i nofoaga e tausia ai tamaiti. Afai o e vaaia se tamaititi i nofoaga e tausia ai tamaiti, fesili ina ia e talanoa i le "Foster Care Liaison (Tagata e Vaaia Nofoaga e Tausia ai Tamaiti)" a lou itumalō ina ia e iloa ai pe mafai ona fesoasoani ia te oe i le a'oga a lou alo.

Faitau atili i puipuiga ma le lagolago mo tamaiti a'oga i le Nofoaga e Tausia Tamaiti i le Guide to Supporting Students in Foster Care (Ta'iala mo le Lagolagoina o Tamaiti A'oga i Nofoaga e Tausia Tamaiti), o loo maua i le Treehouse for Kids (Fale-laau mo Tamaiti) (https://www.treehouseforkids.org/), mai le OSPI Foster Care Program (Polokalame mo Nofoaga e Tausia Tamaiti) (https://www.k12.wa.us/student-success/access-opportunity-education/foster-care), ma i lenei sootaga tuusa'o: https://www.treehouseforkids.org/wp-content/uploads/2018/01/treehouse2017final2ndedinteractive.pdf

Vaega e Filifili mai ai A'oga ma le Siitiaina o tamaiti a'oga i se isi Itumalō Ese         

E tele na'uā ituaiga o a'oga lautele e filifili ai i le tatou setete. Afai o e fia sa'ili atili i ni isi vaega e le o iai i lou itumalō ae o loo i se itumalō latalata mai po'o 'upega tafa'ilagi, e mafai ona e fesili i le itumalō i le "siitia ai o se tagata ese"-o lona uiga, e te mana'o i auaunaga mo lou alo a'oga i fafo atu o lou itumalō.   

E tatau ona iai ni faiga fa'avae mo itumalō ta'itasi mo le siitiaina o "tamaiti ese" po'o "filifiliga". O le talosagaina o le siitia mai i le isi itumalō i le isi o se faiga e lua laasaga, e mana'omia le tuuina atu o lou alo a'oga e le itumalō o e nofo ai ma le taliaina o lou alo a'oga e le itumalō ese. E te maua le sootaga mo filifiliga i luga o 'upega tafa'ilagi i le vaega mo talosaga i le siitia ai o tamaiti i le 'upega tafa'ilagi a le OSPI, o le: https://www.k12.wa.us/student-success/support-programs/student-transfers po'o lou fesili i lou itumalō. Siaki la matou Filifiliga o A'oga / Itulau i luga o 'upega tafa'ilagi mo Mataupu tau Siitiaina o Tamaiti, Mea fa'aaoga mo Filifiliga o Tamaiti Siitia ma le Itulau i luga o 'upega tafa'ilagi a le OSPI i le Siitiaina o Tamaiti A'oga mo nisi fa'amatalaga.

O nisi o filifiliga o a'oga lautele i le Setete o Uosigitone e aofia ai:

A'oga Aogā Fesuisuia'i, e aofia ai 'Upega Tafa'ilagi ma a'oga i Aiga/A'oga Fa'apaaga:

O nisi a'oga fa'a-itumalō e ofaina "A'oga Aogā Fesuisuia'i," o se ituaiga o a'oga lautele lea e iai nisi po'o fa'atonuga uma e faia i fafo o potu a'oga masani. O lenei mea e aofia ai a'oga i luga o 'upega tafa'ilagi, ma a'oga i aiga/polokalame a'oga fa'apaaga.   

Fesili i le ofisa o lau a'oga fa'a-itumalō, pe siaki le 'upega tafa'ilagi a lou itumalō mo fa'amatalaga i filifiliga fesuisuia'i i le vaega o e nofo ai.

E mafai foi ona e maua se lisi ua fa'amaoniaina o Polokalame a A'oga i luga o 'Upega tafa'ilagi i Itulau a le OSPI o A'oa'oga Fesuisuia'i, ii: https://www.k12.wa.us/student-success/learning-alternatives/online-learning/approved-online-schools-and-school-programs.

Nofoaga Autū o A'oa'oga o Tomai i Atunuu Felataa'i:

O Nofoaga Autū o A'oa'oga o Tomai o polokalame fa'aatunuu felataa'i e ofaina i tamaiti o a'oga maualuga mataupu i matātā eseese ma polokalame fa'apitoa. E sili atu ma le sefulu-lua nofoaga autū o a'oa'oga o tomai, ma le tele o lala o a'oga i le setete. Fesili mo fa'amatalaga mai i le faufautua o lau a'oga maualuga po'o le ofisa o lou itumalō ina ia e iloa ai po'o auai lou itumalō i se polokalame Autū o A'oa'oga o Tomai, ma po'o a ituaiga o mataupu o loo latou ofaina.

E te maua ai foi se lisi o Nofoaga Autū o A'oa'oga o Tomai, ma sootaga i a latou 'upega tafa'ilagi, i luga o le itulau o a'oga matātā eseese a le OSPI ma a'oga o mataupu fa'apitoa, ii: https://www.k12.wa.us/student-success/career-technical-education/skill-centers.

Polokalame o le Open Doors Re-Engagement:

E tele itumalō ua atina'eina a latou polokalame o le Open Doors Youth Reengagement (Avanoa o Tupulaga Talavou e Toe Auai ai) lea e lagolagoina tamaiti a'oga e 16 i le 21 tausaga ua le o toe ō i a'oga, ae ua manana'o e toe taumafai. O polokalame o le Open Doors e masani ona tele ina mafai ona fetuutuuna'i aso fa'atulagaina, ma e latou te galulue fa'atasi ma tupulaga laiti ta'itasi e fa'ataatia se fa'afanua o le ala aga'i i fa'auuga ma fa'ai'uga manuia.  Afai o e vaavaai i se isi auala e toe foi ai i le a'oga, po'o le toe foi i le ala sa'o, fesili i se faufautua o se a'oga maualuga po'o se isi i se ofisa o le itumalō pe o iai se Polokalame Reengagement (Toe Auai) o latalata atu ia te oe.

E mafai foi ona fesoota'i mai i matou e vaai pe mafai ona matou fesoasoani ia te oe mo ni vaega e filifili ai. E mafai ona e valaau mai ia i matou i le 1-866-297-2597, imeli mai i le oeoinfo@gov.wa.gov, po'o la matou 'upega tafa'ilagi o le: https://services.oeo.wa.gov/oeo.

O isi Vaega e Filifili ai i A'oga Lautele

Fa'aopoopo ai i a'oga o loo fa'afoeina e a'oga fa'a-itumalō e 295 i Uosigiotne, o vaega e filifili ai i a'oga lautele i le Setete o Uosigitone e aofia ai foi:

  • Le State School for the Blind, ma
  • Le State School for the Deaf;
  • A'oga fa'ale-ituaiga, ma
  • A'oga Lautele Filifilia.

E mafai ona e maua fa'amatalaga i a'oga Fa'ale-ituaiga i le OSPI Office of Native Education (Ofisa o A'oga Fa'alotoifale) i luga o le 'upega tafa'ilagi: https://www.k12.wa.us/student-success/access-opportunity-education/native-education/types-tribal-schools.

E mafai ona e maua fa'amatalaga i le fa'afoeina o a'oga lautele filifilia i taimi nei mai le Washington Charter School Commission (Komesina o Ao'ga Filifilia a Uosigitone), i le 'upega tafa'ilagi o le: https://charterschool.wa.gov/. Mo se lisi o a'oga filifilia ua fa'atagaina e le Komesina, ma o loo fa'afoeina i le taimi nei, taga'i ii: https://charterschool.wa.gov/what-are-charter-schools/commission-authorized-charter-schools/

Mo a'oga filifilia ua fa'atagaina e le Spokane Public Schools (A'oga Lautele i Spokane), taga'i ii: https://www.spokaneschools.org/Page/2827

Siaki la matou Filifiliga o a'oga / Mea fa'aaoga mo Filifiliga o Tamaiti Siitia ma le Itulau i luga o 'upega tafa'ilagi a le OSPI i le Siitiaina o Tamaiti A'oga, https://www.k12.wa.us/student-success/support-programs/student-transfers, mo nisi fa'amatalaga.