Ta in Individualized Education Program ak "IEP"?

Ta in Individualized Education Program ak "IEP"?

Juōn Individualized Education Program (IEP, būrookraaṃ in jelālọkjān eo ej māke lak) ej juōn kōmmeḷeḷe an jerbal ko an juōn rijikuul ewōr an aikuj ko ikijen utamwe eo ñan māroñ in bōk jelālọkjān eo ewōr melelein. Individualized Education Program, ak IEP, ej juōn pepa im ej kwalok kin jerbal ko an jelālọkjān an ro ewōr aer utamwe im ajiri eo enij bōk. Juōn IEP ej juōn pepa eo emelim ilo court im ej kwalok ke emāroñ in bōk aolep jerbal ko remoj likit ilo IEP. Juōn IEP ej aikuj in kōmman ñan juōn ajiri im aikuj ko an ilo jelālọkjān, im emāroñ in koba ippān wāwein ko remman ñan jerbal.

IEP ej aikuj in koba ippān:

• Juōn naan in kwalok kin wanṃaanḷọk eo an rijikuul eo ilo jelālọkjān im māroñ in makutkut—joñan an rijikuul eo pād
• Kōtōbār ko an jelālọkjān ilo jikuul ilo kajojo yiiō
• Juōn naan in kwalok kin wanṃaanḷọk an ajiri eo im ej kwalok joñan im naat riboot ko ikijen wanṃaanḷọk an ajiri eo enij walok
• Kōmmeḷeḷe kin jerbal ko rijikuul eo enij bōk jimor ilo jelālọkjān im kilāāj ruum im ilowaan juōn jikin jelālọkjān an ro ewōr aer utamwe
• Juōn kōmmeḷeḷe in "jerbal ko rej epāāke" rijikuul eo enij bōk jimor jibāñ ilo kōnnaan im kajin, ial, im rōjañ
• Juōn kōmmeḷeḷe kin aolepen kōjjeḷā kin būrookraaṃ eo, einwōt kain riito ko rej aikuj in wōr oktak ie, juōn armij ej riit ñan teej ak kain ko jōt, juōn kein rekoot ñan ien roñjake, bar jōt
• Juōn ien kwalok ñe rijikuul eo rej aikuj jibāñ ilo kōjerbale kain jerbal ko im jerbal. Kain jerbal ko ej melelein kain ko rej kaḷapḷọk ak kōjbarōk an rijikuul eo māroñ im māroñ in koba ippān mweiuk ko einwōt kaṃputōr ak kain jeje
• Juōn kelet ekkar ñan kilāāj in emakitkit, im ñe emāroñ, elmen an nej etal
• Juōn kōmmeḷeḷe kin wāwein an rijikuul eo nij bōk kunan ilo kilāāj im būrookraaṃ ko, im ñe ejjab, etke
• Jabdewōt jibāñ enij wōr ippān rijikuul eo ñan bōk jerbal ilo yiiō in jikuul, ñe emōj an walok jān IEP Team eo
• Ien kōnnaan ko, ñe ewōr, aikuj ñan rijikuul eo
• Jikin, joñan aitōk in, ikutkut in jerbal ko ñan lelak
• Raan ko jerbal ko renij jinoe
• Jinoe ejjab to jān IEP bwe en māroñ in jerbal ñe rijikuul eo enij 16 an yiiō, ak diiklak ñe emōj an alikkar jān kumi eo an IEP: 1) kōtōbār ko rej ekkar im eman ñan lale joñan im 2) jerbal ko rej oktak im aikuj ñan jibāñ rijikuul eo kin kōtōbār ko.

Kobalak, rijikuul ro rej teej ko rej oktak ej aikuj in bar koba ilo IEP eo aer:

• Juōn kōmmeḷeḷe in kakōḷḷe ko kōtōbār ko rej kadu
• Kōmmeḷeḷe in etke rijikuul eo ejjab māroñ in bōk kunan ilo teej eo ekkut
• Kōmmeḷeḷe in etke teej eo emōj an jenolọk im ekkar ñan rijikuul eo.

Ewi joñan mokaj in elikin ien etaale eo jinion inij bōk juōn IEP ñan ajiri eo nejū ñe emāroñ in tōprak ñan jelālọkjān an ro ewōr aer utamwe?

Iumin 30 raan in kelet eo ke rijikuul eo emāroñ in tōprak ñan jelālọkjān, juōn IEP kwelak ej aikuj in kōmman. Ñe emōj an juōn jikuul kwalok ke juōn rijikuul emāroñ in tōprak ñan jerbal in jelālọkjān an ro ewōr aer utamwe, bukwōn eo ewōr an 30 raan (ejjab raan in jikuul) ñan kōmmane juōn IEP kwelak im kōmman juōn ḷōmṇak e māke lak ñan rijikuul eo.

Wōn eo ej kōmman IEP?

IEP kumi eo ej kōmman jān armij ro rej māroñ in jibāñ kōmmane būrookraaṃ in jelālọkjān. Juōn kumi in armij ej aer eddo in jeje im kōmman bwe en tōprak IEP eo. Armij rein ilal rej bar mōttan kumi eo an IEP im aikuj in pād aolep ien ilo IEP kwelak ko:

• Jinen ak jemen ak rilale
• Juōn ian rikaki ro an rijikuul eo (ñe rijikuul eo ej bōk kunan ilo mejatōtō in jelālọkjān)
• Joñan eo juōn ian rikaki in jelālọkjān an ro ewōr aer utamwe, ak, ijo ekkar, jikin jelālọkjān an ro ewōr aer utamwe eo emōj an bojjak
• Juōn eo ej jutak ilo etan bukwōn eo im emāroñ in tōprak ñan jelālọkjān an ajiri ro ewōr aer utamwe im jellā kake kobban jikuul eo im kain jibāñ ko rej bellọk (einwōt juōn ritol an jikin jelālọkjān eo)
• Juōn armij emāroñ in lale nōmba ko ñan etaale (emāroñ in juōn ian armij ro iloñ ak juōn takto an jikuul eo)
• Ilo an jinen ak jemen ak bukwōn eo jellā, ro jōt ewōr aer jellā ak malōtlōt kake ajiri eo
• Rijikuul eo (ñe ekkar)
• Jikin jerbal in oktak (einwōt rijerbal ro ak juōn armij jān naboj einwōt Division of Developmental Disabilities (DDD, Rā eo an Utamwe in Ben Eddeklak)).

Armij ro jōt remāroñ in pād ilo IEP kumi eo. Kakine eo ej kōtlak ro jto ewōr aer "jellā ak malōtlōt kake ajiri eo" bwe en bōk kunan ippān IEP kumi eo. Ej melelein IEP kumi eo emāroñ in koba ippne nukin, mōttan baamle eo, uwaan jukjukun pād, takto, im ro rej jibāñ. Bukwōn eo ak jinen im jemen rej kelet wōn eo ewōr an jelālọkjān ak malōtlōt ikijen ajiri eo. Ñe ewōr bar armij kwōj ḷōmṇak ej aikuj in koba ippān IEP kumi eo an ajiri eo nejūm, lale bwe kwon ba ñan jikuul eo bwe ren māroñ in iwaj. Botaab, iumin IDEA im kakien eo an jelālọkjān an ro ewōr aer utamwe an aelōñ eo, ro uwaan IEP kumi remāroñ in jab aikuj in pād ilo aolep ien. Juōn ian ro uwaan IEP kumi eo emōj likit iloñ ejjab aikuj in pād ilo IEP kwelak ñe kobban ekatak ko ilo jikuul eo im ejjab mōttan melele ko ilo kwelak eo im ke jinen ak jemen ajiri eo im bukwōn eo an jikuul eo rej jimor errā ke an pād ejjab aurōk. Ilo waanjoñak, jikin kōnnaan im kajin ejjab aikuj in pād ñe jerbal in kōnnaan ejjab pād ilo IEP kwelak eo im ke jinen ak jemen im bukwōn eo an jikuul eo rej jimor errā ilo jeje ke kōnnaan im kajin ejjab aikuj in pād kinke unin kwelak eo ej ñan kwalok kin mwil im ḷōmṇak eo an rijikuul eo wōt.  Elaplọk, ro uwaan IEP kumi remāroñ in jab aikuj in pād ilo kwelak eo JEKDỌỌN ÑE kwelak eo ej koba ippān oktak ko ak kōnnaan kin jikin ro uwaan kumi eo ñe jinen ak jemen ak bukwōn eo an jikuul eo ej errā ilo jeje. Botaab, eo uwaan IEP kumi eo emōj kōtlak an etal ej aikuj in lelak ilo jeje eddeklak eo an IEP ñan jimor jinen ak jemen im bukwōn eo an jikuul eo mokta jān ien kwelak.

Elmen aō jellā naat IEP kumi kwelak eo?

Bukwōn eo ej aikuj in mokta kōjjeḷā ñan jinen ak jemen kin unin IEP kwelak eo, awa im jikin, im wōn eo enij pād. Bukwōn eo ej aikuj in lelak kōjjeḷā ilo mokaj bwe jinen ak jemen en wōr aer ien ñan māroñ in pād. Kwelak eo ej aikuj in jūkeejul ilo juōn awa im jikin eo aolep rej errā kake. Ñe jinen ak jemen im bukwōn eo an jikuul eo ej errā, kwelak ko rej māroñ in bar kōmman ilo telebon ak pija.

Ta eo ij māroñ in lelak ñan IEP?

Kwalōk naan jān jinen ak jemen im ro jōt rejellā ke rijikuul eo im lale eo kake tōprak ko an ej aurōk ñan kōmmane juōn būrookraaṃ in jelālọkjān an ro ewōr aer utamwe. Jinen ak jemen ej juōn mōttan IEP kumi eo aurōk im emāroñ in wōr aer ḷōmṇak ko rej eman kake armij ro elap tōkjen ñan koba. IEP kumi eo ej aikuj in ḷōmṇak kin joñan ñe rej kōmmane juōn ḷōmṇak. Kwoj aikuj in lale bwe jikuul eo en jellā ñe ewōr bar armij kwōj ḷōmṇak emāroñ in lelak ñan jerbal in. Juōn bar mōttan aurōk einwōt am jerbal in jibāñ ej ñan lale būrookraaṃ in jikuul eo im jerbal ko jān bukwōn eo an jikuul eo. Ilo waanjoñak, ta kōtōpar ko am jān wōt melele kin māroñ ko an ajiri eo nejūm? Jerbal ko rej iwaj rej ke rōjañ jān bukwōn eo ñan kōmman juōn oktak ñan ajiri eo nejūm? Ñe ewōr am rōjañ ñan kakōṃanṃan lak jelālọkjān eo, kwōj aikuj in kwalok ilo IEP kwelak eo. Kwe māroñ in bar kwalok juōn wāwein kalimjok im kōmmane jerbal ko. Ḷōmṇak kin wāwein kobaiki ajiri eo nejūm ñan ro rej jerbal ilo jikuul eo im rejānin kār ḷōmṇak kake.  Ilo waanjoñak, ñe juōn nebar an ikkūre ak būrookraaṃ ej kōmman an itōk limo in ajiri eo nejūm ñan kōmman jerbal mweo, juōn bar nebar einwōt in ñan kōmmane katak ko remāroñ in bar pād ilo jikuul. Ako bwolen kwejellā ke ebin ien in ñan ajiri eo nejūm ñe ewōr men ko rej kōmman an bo, armij, im ainikien. Kwe māroñ in kwalok ke ajiri eo nejūm emāroñ kōmman oktak ilo kilāāj ko ak elikin an rijikuul ro jōt kōmmane.

Elmen an IEP jikin eo kwalok inepata ilo mwil?

IEP ej aikuj in kobaiki juōn teej in lale mwil im juōn ḷōmṇak in kōnnaanōk kin mwil ñe ewōr inepata ko ikijen mwil ej pād. Ñan an juōn rijikuul eo im mwil ej pinej ial eo an ekatak ak an rijikuul ro jōt, innem IEP enij lelak kōtōbār ko im kōnan ñan kakōṃanṃan lak mwil im wāwein bukōt inepata eo bwe en jak. Aurōk in kememej ke mwilin juōn rijikuul emāroñ in jān wōt utamwe eo an. IEP ej aikuj in lale inepata ko ikijen mwil im kōmman wāwein ko rej eman ñan uak e inepata ko mokta jān aer walok.

Ñāāt eo IEP ej lale ak kakāāl?

Joñan eo juōn alen juōn yiiō, ak ekutkut lak ñe juōn uwaan IEP kumi eo ej kajitōk.IEP rej aikuj in lale juōn alen juōn yiiō. Botaab, juōn bukwōn ej aikuj in loore IEP jokdoon ñe emōj an mootlak jān ien lale eo. Ilo jemlọkin yiiō eo, IEP kumi eo ej aikuj in tōbār doon ñan lale būrookraaṃ in jelālọkjān im ñan lale ñe ej tōprak kōtōbar ko an rijikuul eo aolep yiiō. IEP ej aikuj in kakāāl ñe rijikuul eo ejjab eman an pād ak melele kāāl ko kake rijikuul eo ej bellọk. IEP ej aikuj in bar lale aikuj ko an juōn rijikuul ilo an ruttolak. IEP emāroñ in bar lale ilo jabdewōt ien ilo an juōn uwaan kumi eo kajitōk ak ñe jōt wāwein ko emōj aer oktak. Botaab, iumin IDEA im kakien an jelālọkjān an ro ewōr aer utamwe an aelōñ eo, oktak ko remāroñ in kio kōmman ñan IEP an juōn ajiri elikin ien kwelak in etaale eo ilo an jab jalot juōn IEP kwelak ñe jinen ak jemen im bukwōn eo rej errā in kōmmane. Ilo ien rot kain, juōn jeje emāroñ in jerbal ñan kōmman oktak ak ukōt IEP an ajiri eo. Ilo kajitōk an jinen ak jemen, bukwōn eo an jikuul eo ej aikuj in kwalok ñan jinen ak jemen juōn kape emōj an kakāāl an IEP im ej koba ippān oktak ko. Ñe kwōj ḷōmṇak ke IEP ak jerbal ko an jelālọkjān an ro ewōr aer utamwe an ajiri eo nejūm emōj aer oktak, kajitōk ippān Bukwōn eo ñan juōn kape in IEP eo eliktata koba ippān jabdewōt oktak emōj jeiki im kōmman ñan errā. Iumin IDEA, bukwōn ko an jikuul eo rej bar rōjañ in kadiklak nōmba in IEP kwelak ko emōj aer kōmman ñan kajojo rijikuul aolep yiiō ilo aer rōjañ kin IEP kwelak ko an kumi.

Ako ñe enij wōr oktak ñan IEP eo an ajiri eo nejū ilo an ejelọk melim jān io?

Kōnnaan ippān jikuul eo ilo ien eo emōkajtata kake inepata ko am.Kwoj mōttan IEP kumi eo im ej aikuj in koba ippān aolep kelet kake būrookraaṃ ko an ajiri eo nejūm ilo jelālọkjān an ro ewōr aer utamwe. Ñe kwōjjab māroñ in jolọk juōn ien jab errā ilo am kōnnaan ippān rijerbal ro jikuul eo, lale Section VII Jōlọk Inepata ilo pepa in ñan kelet ko relaplak.

Ñe emōj an tōprak ajiri eo nejū ñan jelālọkjān an ro ewōr aer utamwe, elōñ ke bar etaale eo elaplọk

Aet, rijikuul ro ewōr aer utamwe rej aikuj in etaale juōn alen aolep jilu yiiō, im elaplọk ñe ej aikuj. Jekdọọn ñe IEP ej lale juōn alen juōn yiiō, bar lale rijikuul ro ewōr aer utamwe rejjab aikuj in kōmman joñan ikkutkut in. Ien etaale ko rej kōmman juōn allen aolep jilu yiiō. Juōn jinen ak jemen im bukwōn eo an jikuul eo remāroñ in errā ke bar etaale elikin jilu yiiō ejjab aikuj. Botaab, ien etaale ko aolep jilu yiiō rej lelak ñan jinen im jemen im bukwōn ko an jikuul melele ko elap aer aurōk kin wāwein an juōn rijikuul pād. Ḷōmṇak kin oktak ko juōn rijikuul ej ion e ilo jilu yiiō jān kilāāj ko rediik ñan lap! Lukkun lale mokta jān am errā ñan jab bar-teej kinke elōñ men ko emōj aer walok ilo yiiō ko jilu emōj aer walok jān ien eo eliktata rekar lale. Juōn rijikuul emāroñ in bar etaale ilo ṃōkajḷọk ñe bukwōn eo an jikuul eo im jerbal ko an jikuul eo im aikuj an ajiri eo ej kwalok juōn bar ien etaale (ej koba ippān ien ko ewōr eman lak ilo ippān ajiri eo) ak ñe jinen ak jemen ak rikaki eo an ej kajitōk. Botaab, ien bar etaale ko remāroñ in jab walok ilo aer ikutkut im elaplọk jān juōn alen kajojo yiiō ñan ñe jinen ak jemen im bukwōn eo rej errā ke etaale ej aikuj kōmman. Unin bar etaale ej ñan kwalok:

1. Ñe rijikuul eo ej wanṃaanḷọk wōt ilo an tōbār an māroñ deḷọñ
2. Jerbal ro ko jōt ej aikuj ñan tōbār kōtōpar ko an IEP
3. Joñan ko ej māroñ in tōprak ilo jikuul im aikuj ko jōt ilo an edeklak an rijikuul eo.

IEP kumi eo ej aikuj in lale ñe ewōr melele ko ikijen etaale ñan rijikuul eo im kelet ta bar teej, ñe ewōr, ej aikuj ñan kwalok inepata ko jilu emōj kwalok iloñ.

Ia eo ajiri eo nejū ewōr an utamwe rej aikuj bōk jerbal ko emōj kwalok ilo IEP eo an?

Rijikuul ro ewōr aer utamwe rej aikuj in jikuul ilo jikin jelālọkjān eo eman - im emāroñ in wōr kilāāj ko ej aikuj. Juōn tōmāk an IDEA ej ke rijikuul ro ewōr aer utamwe rej aikuj in koba ippān būrookraaṃ eo an jelālọkjān joñan wōt an māroñ in jab jenolọk ak oktak jikin jelālọkjān eo an. Ajiri ro ewōr aer utamwe ewōr aer jimwe malōtlōt ilo jikin eo edik an wōr kakien ie. Ej melelein ke IEP kumi eo ej aikuj in lomank kake jikuul im lelak jerbal ko ñan juōn rijikuul ilo ejja ijo wōt einwōt rijikuul ro ewōr aer utamwe ñan jikuul, jab-jikuul, im ikkūre ko jōt rej oktak. Juōn rijikuul ewōr an utamwe emāroñ in etal jān kilāāj ruum eo ñe aikuj ko an relukkun lap im rej kakūre kilāāj im ñan joñan eo im etal im ejelọk wanṃaanḷọk ilo e, jokdoon ñe ewōr bar jibāñ im jerbal ilowaan kilāāj ruum eo. Ejjab aolep rjikuul ro ewōr aer utamwe rej māroñ in tōprak ilo kilāāj ruum ilo ejelọk jibāñ. Jōt rijikuul rej aikuj jibāñ jān juōn rijiban an rikaki ilo kilāāj, oktak in kobban kilāāj eo, kain ekatak, ak wāwein katakini. Rijikuul ro jōt remāroñ in aikuj juōn jikin eo elukkun oktak, einwōt juōn jikuul an raan aurōk ak ekatak ilo mweo. Aolep bukwōn in jikuul rej aikuj in lale bwe jikin ko an jelālọkjān ej bellọk ñan rijikuul ro ewōr aer utamwe jān wōt an jōt rijikuul ewōr aer utamwe aikuj elaplọk im emāroñ in etal ilo jikin ebbok jelālọkjān. Rijikuul ro rej aikuj bōk aer jellā jān ijo epāāke tata kilāāj ruum eo, ak enij kōtlak wōt an rijikuul eo kōmman wanṃaanḷọk ilo jikuul. Joñan oktak in jikin jikuul kein ej jōt ien kūr einwōt juōn jikin wanṃaanḷọk in jikin ko emōj aer pād im emāroñ in koba ippān jaat eo turim.

Ta eo enij walok ñe ajiri eo nejū ewōr an IEP im jemāron in emakūt ilo yiiō in jikuul eo?

1. Emakūt ilowaan aelōñ eo: Bukwōn kāāl eo an jikuul ej aikuj in kwalok ñan rijikuul eo kin jerbal ko rej māroñ in lale jān IEP im bukwōn eo mokta lak ñan ñe bukwōn kāāl eo ej bōk IEP moor eo ak kōmman juōn IEP kāāl.
2. Emakūt jān aelōñ eo: Bukwo kāāl eo ilowaan aelōñ kāāl eo rej aikuj in lelak ñan rijikuul eo jerbal ko ej kwalok einwōt ko emōj likit ilo IEP jān bukwōn eo mokta ñan ñe bukwōn kāāl eo enij kōmman ien etaale, ñe ej aikuj, im kōmman juōn IEP kāāl.

Ilo wāwein kein jimor, jikuul kāāl eo ej aikuj in bōk buñtōn ko ewōr unin ñan bōk rekoot in jelālọkjān an ro ewōr aer utamwe an ajiri eo im jikuul ko mokta lak rej aikuj in kajju uak e kajitōk eo kin rekoot.

Ajiri eo nejū ewōr an utamwe emāroñ in ke bōk jerbal in jelālọkjān ilo jamar?

AET

1. Extended school year (ESY, yiiō in jikuul eo emōj an aitōklak) jerbal ko

Juōn rijikuul ewōr an utamwe emāroñ in bōk jerbal in jelālọkjān an ro ewōr aer utamwe ilo jamar ñe IEP kumi eo ej kelet ke jerbal ko rej aurōk ñan an rijikuul ro bōk jelālọkjān eo ewōr an melele. Ñan māroñ in tōprak ñan jerbal in yiiō in jikuul eo emōj an aitōklak emāroñ in pedped ion unin kain ilal:

• An rijikuul eo māroñ in diiklak men ko ejelọk ilo jamar
• Ñe ewōr būrookraaṃ in jamar ej aikuj ak jab ñan an rijikuul eo tōbār IEP kōtōpar ko an
• Juōn naan in kwalok eman jān juōn rijerbal
• Ia eo rijikuul eo ekar pād ie mokta lak.

Bukwōn ko an jikuul eo ej aikuj ñan kōmman an IEP Kumi eo jerbal ñan kwalok aikuj an juōn rijikuul ñan jerbal ko emōj aer aitōk lak ilo yiiō eo. Ñe kwōj ḷōmṇak ajiri eo nejūm ej aikuj jerbal ko emōj aer aitōklak ilo yiiō eo, kajitōk juōn kape in wāwein māroñ in tōprak an bukwōn eo. Ñe emōj lelak juōn būrookraaṃ ilo jamar, ej aikuj in tōbār kōtōpar ko an IEP. Ilo bar jōt naan, bōk kunam ilo kilāāj ko an jelālọkjān ilo jamar ñan aolep rijikuul remāroñ in jabwe. Ñe IEP an juōn ajiri ej lelka ñan juōn-ñan-juōn jibāñ ilo yiiō in jikuul eo, ej aikuj in etal juōn-ñan-juōn jibāñ ilo bar ien jamar. Būrookraaṃ ilo yiiō in jikuul eo emōj an aitoklak ej aikuj in etal ilo ejelọk onean ñan rijikuul eo. Ñe bukwōn eo ejelọk an program in jamar ñan juōn rijikuul eo ej tōprak ñan jerbal ko emōj aer aitōklak ilo yiiō in jikuul, bukwōn eo ej aikuj in kōmmane juōn ak kolla onean an rijikuul eo bōk kunan ilo juōn program jān juōn bar bukwōn an jikuul ak doulul ej māke lak. Bukwōn eo ej aikuj in kolla onean itotak im onean ko jōt rej koba ippān būrookraaṃ in yiiō in jikuul eo emōj an aitōk lak.

2. Jibāñ im jerbal ko ilo kilāāj in jelālọkjān ilo jamar jikuul.

Ñe juōn rijikuul ewōr an utamwe ejjab tōprak ñan ESY jerbal ko ak ej likit etan ñan būrookraaṃ in jikuul ilo jamar, jikuul eo ej aikuj in lelak wōt jibāñ im kōmmeḷeḷe ñan rijikuul eo. Kajitōk ñan jerbal kain iumin IDEA ak Section 504 ñe ajiri eo nejim ej aikuj bar jibāñ ñan māroñ in bōk kunan ilo būrookraaṃ eo.

Juōn būrookraaṃ in jelālọkjān an ro ewōr aer utamwe emāroñ in ke jibāñ ajiri eo nejū etal jān jikuul ñan mour in rutto?

Imāroñ ke bōk juōn kape in IEP emōj an ukok an ajiri eo nejū?

Aet, kwōj māroñ in bōk juōn kape in Individualized Education Program (IEP, Būrookraaṃ in Jelālọkjān eo ej Māke Lak) an ajiri eo nejūm im emōj an ukok ñe kwoj aikuji juōn ñan māroñ in melele kake.

Ekkar ñan kakien eo an jikin jelālakjān an ro ewōr aer nañinmej, bukwōn ko rej aikuj in ukōt pepa in melim ko ñan jikin jelālakjān an ro ewōr aer nañinmej im “prior written notices kōjjeḷā in jeje ko rekar kōmman mokta lak.” Kakien ko an jikin jelālakjān an ro ewōr aer nañinmej rejjab kwalok aolep kain kake ukōt IEP eo māke. Bōtaab, US Department of Education (Rā eo an Jikin Jelālakjān) and US Department of Justice (Rā eo an Jikin Kōmman Jimwe) emōj aer kōmelele ke ñan māroñ in jerbal ippān Title VI in Civil Rights Act (Kakien eo an Jimwe), bukwōn ko rej aikuj in bojjak in kwalok ukok in IEP ko. Rej kōmelele:

Iumin Title VI, aolep pepa aurōk, kōba ippān IEP an juōn rijikuul, ej māroñ in bellok ñan LEP [Ewōr jidik jellā kajin Pālle] jinen im jemen, ak ejjab melelein aolep pepa ko rej aurōk rej aikuj in ukok ñan aolep kajin ilo bukwōn eo. Ñan waanjoñak, juōn ukok eo eman joñan awa im ededelak ak kadu in ukok an aolep pepa aurōk emāroñ in oktak ilo jōt jekjek ko. Juōn bukwōn ej aikuj, bōtaab, bojjak in kwalok ukok ilo joñan ien eo eman im dedelak ñan kwalok an māroñ bellọk ñan IEP im jimwe ko an jinen ak jimen im rej epāāk ñan e. Ej kinke juōn jinen ak jemen ej aikuj juōn bellok eo ewōr melelein ñan IEP ejjab ilo ien IEP kwelak eo wōt, ak ilo yiiō in jikuul ko ñan lale wanmanlọk an ajiri eo im kōmman bwe IEP jerbal ko rej etal.

https://sites.ed.gov/idea/files/policy_speced_guid_idea_memosdcltrs_iep-translation-06-14-2016.pdf

Ñe kwōj aikuj juōn kepa in IEP an ajiri eo nejūm, tōbar ta eo jikin jelālakjān ñan ro ewōr aer nañinmej ilo bukwōn in jikuul eo an ajiri eo nejūm.  

Ñe ewōr am kajitok ak inepata, jouj im kurtūk kij ilo Office of the Education Ombuds (OEO, Opiij eo an Jelālọkjān Ombud ko) im bwe jen māroñ kajeoñ jibāñ.